.
我同佢拍左拖真系有10年嘞，以前个个都会问我呢个马拉松几时先跑完，其实我都想知，1直以黎我都真是谂住横掂都同左咁耐咯，应该是个天注定我同佢要1世架嘞，但是...面对佢既大男人，烂泥扶唔上壁，我真系唔敢将自己交俾1个咁样既男人呀！我同佢1齐10年，我从未系佢身上得到过任何野，而我就乜野都俾晒佢。10年嘞，10年黎佢未俾我真真正正感受过幸福架，佢1直以黎对我是爱理不理，佢又唔会正正经经去揾份工做，人地有野揾佢做，佢就会去做下，晚晚通宵打机，到左早上，人地个个搏杀既时候，佢就训大觉。无钱用既时候就问我摞，已经无经济来源既人，仲要好烟好酒，仲要衰烂滚，10年以黎，我计过佢，起码同过6个女有过暧昧关系，我真系唔知自己点解可以咁傻，三番四次去原谅呢个男人。真是唔好话靠佢养我嘞，佢连养佢自己都成问题呀！
眼见佢咁样，我真系唔知自己应该点样去决择呀！直到上年，我对分公司既1位同事产生左好感，我地系在MSN倾计开始了啊解大家、熟落既，或者真系10年咁长日子未俾人爱护过、锡过，我既目标就是想揾个人爱护我、锡我，呢个同事可以俾到我呢种感觉，我地系在MSN大家倾计熟落架，虽然大家只是在言语上交流，但是佢真是可以俾到我想要既果种感觉我架，直到今年3月，佢黎广州出差，我同佢发生左关系，我并唔是要报复我个男朋友，亦唔是想放荡自己，我真系对呢个同事有feel架，不过无谂到进展得咁快。事后我问自己，我系咪好衰呢？都未同男朋友正式解决，就同另1个男发生左…
期间我不断同我男朋友提出分手，但是佢都唔同意，不过纸是包唔住火既，机缘巧合，我男朋友知道左我同公司果个同事发生左超友谊关系，佢好嬲，佢知道当晚，佢就开始打我嘞，我都已经唔记得佢打过我几多次嘞，每次都好重手，打到我面都肿晒，我唔知佢系咪痴左线，佢有时又会好似只绵羊咁样哄我。由4月份直至依家，佢做过：打印手机通话记录清单；用过我张电话卡或者要我设置呼叫转移，无人接或者忙音时，我条线就要飞去佢个电话度；冒充我上QQ同我Ｄ朋友讲野；仲要不断重复咁样问番我同公司果个同事发生既野；佢成日发起神经就侮辱我，话我是垃圾、好贱。但无论如何，佢又唔肯同我分手，又唔肯放过我，我真系唔知佢是爱定是想报复番我……我真是好累呀，发生左呢件事后，佢就成日强调佢1直以黎都是好爱我，但我好想问番佢呀，佢爱我咁佢以前又同人地发生暧昧关系既？咁佢又唔会为左我而发奋既？面对住佢有时好似只绵羊，有时又好似个癫佬咁样逼我，我真系俾佢搞到我唔知点样做好！
我之所以唔知点样做，因为我公司个男冇放弃过我呀，佢1直以黎都对我好好，好体贴关心我，佢见我身体差，佢就俾钱我去睇病调理身体，惊我搭车闷，佢又买左部mini player俾我，佢谂野真系好周到，乜野都以我为先架！
其实我想问，大家可唔可以俾下意见，觉得我应该点样处理呢件事呀？我唔想再咁样纠缠落去嘞！
